Mu bikorwa biteganyijwe muri uwo mushinga twavuga: 

• Amahugurwa yo kurwanya ubusumbune bw’ibitsina n’ihohotera ribishingiyeho
•  Gukangurira igitsina gore kugira uruhare mu buyobozi
• Guteza imbere amahuriro y’abadahuje amadini
• Ingando zikangurira abantu kubungabunga amahoro
• Gukangurira abantu kwita ku rusobe rw’ibinyabuzima rw’aho tuba no mu gihugu no kurengera ibiba mu mazi no ku butaka
• Gukangurira abantu ihindagurika ry’ibihe n’ibibazo ritera mu miberaho y’abantu
• Ingando zikangurira abantu uruhererekane rw’ibinyabuzima
• Guhugura aba ambasaderi (abafashamyumvire) b’uburinganire n’ubwuzuzanye
• Gufasha ba ambassaderi gukora ibikorwa byo gushishikariza abaturage ibikorwa by’ubuvugizi ku bibazo bijyanye n’uburinganire bw’ibitsina
• Gutera inkunga imishinga y’urubyiruko iteza imbere uburinganire bw’ibitsina
• Guhugura aba ambasaderi ku mikoranire yimakaza amahoro
• Gufasha ba ambassaderi gukora ibikorwa byo gushishikariza abaturage ibikorwa by’ubuvugizi ku bibazo bijyanye no kugira uruhare mu migambi y’igihugu
• Guhugura aba ambasaderi bo ku kwita ku rusobe rw’ibinyabuzima n’uburere mboneragihugu
• Gufasha ba ambassaderi gukora ibikorwa byo gushishikariza abaturage ibikorwa byo gushishikariza abaturage n’iby’ubuvugizi ku bibazo bijyanye n’ibidukikije n’ibihe
• Gushyira mu bikorwa imigambi y’Imiryango y’Abaskuti n’Abagide ku isi ijyanye no kwita ku rusobe rw’ibinyabuzima n’uruhererekane rw’ibinyabuzima «Tribu de la Terre » et « Plastic Tide Turners)
• Guhugura abakozi b’umushinga
• Gukoresha Ihugurwa Mpuzamahanga ry’Abahugura abandi
• Gufasha gushyiraho imikorere n’imyitwarire yagabanya kwangiza ikirere
• Guteza imbere uburyo bwifashishwa mu baskuti no mu bagide mu uburere bwo kwimakaza amahoro
• Guteza imbere uburyo bwifashishwa mu baskuti no mu bagide mu uburere bwo kwita ku bidukikije

Gutegura no gukora ibikorwa bimenyekanisha ibikorwa by’umushinga.

ICYO UMUSHINGA UZAFASHAMO UMURYANGO W’ABASKUTI MU RWANDA

• Kumenyekana cyane mu ruhando rw’indi miryango mpuzamahanga
• Kugira ibikorwa biteza imbere imibareho y’abaturage
• Kugira abakozi basobanukiwe n’ibyo bakora
• Kugira abafashamyumvire bazi neza ibyo bakora
• Kugira abaskuti bafite uburere bwiza mu uburinganire, ubwuzuzanye bw’ibitsina, Kwita ku bidukikije, ku rusobe n’uruhererekane by’ibinyabuzima
• Kongera amikoro y’umuryango
• Guteza imbere ubushobozi bw’Umuryango
• Kunoza imikorere n’imikoranire mu muryango no hanze yawo.

IBYAVUYE MU RUGENDO 

Urugendo rwa Komiseri Mukuru n’abakozi b’Umuryango w’Abaskuti mu Rwanda rwatumye abo bawuhagarariye bashobora guhura n’abahagaririye imiryango bahuriye muri uwo mushinga bagirana ibiganiro n’inyigisho kandi bungurana ibitekerezo ku bibazo byugarije imibereho y’abantu bizibandwaho muri uwo mushinga.

Twibukiranye ko uyu mushinga wavuye mu cyifuzo Umuryango w’Abaskuti mu Rwanda wagize cy’uko umubano dufitanye n’Umuryango w’Abaskuti n’Abagide bo mu Bufaransa wasagamba ukaba ubukombe ntukomeze gushingira gusa ku kohereza abakorerabushake, aba Compagnons no gutera inkunga mu ngendo zijya mu mahuriro, amakoraniro n’inama mpuzamahanga, ahubwo ukagira ibikorwa byaguye ku baskuti barererwa muri iyo miryango yombi. Noneho rero inzozi zabaye impamo.

Ntabwo narangiza iyi nyandiko ntashimiye by’umwihariko abayobozi n’abakozi banyuranye b’abaskuti n’abagide bo mu Rwanda, mu Bufaransa, muri Libani, muri Tunisia no muri Kote Divuwari twatangiye gufatanya mu gutegura uwo mushinga kuva hambere none ukaba ushobotse. Abo ni: Mohamed Ali Khiari, Slim Hidiji, Pierre Kassis, Andrea Abou Antoun, Assemian Nicaise Bedje, René Tardy Kouassi, Nyiraneza Nicole, Marlene Ingabire, Rucyahana Viateur, Uzabumugabo Virgile na Sabine Oussi. Ku by’umwihariko kandi reka nshime cyane Coline Garnier Komiseri ushinzwe ibikorwa n’ubutwererane Mpuzamahanga, Pauline CHIARENZA na Marie-Rose Asker, Nathanaël SCALBERT, Simon ABDOULQUINQUE  bose bo mu ikipe Mpuzamahanga ya SGDF (Scouts et Guides de France) abakozi baduherekeje cyane mu kwiga uyu mushinga tuwunguranaho ibitekerezo.

Uyu mushinga kandi watewe inkunga na AFD (Agence Française de Développement), Ikigo cy’Ubufaransa Gitsura Iterambere tukaba tubashimira kuba barahisemo umushinga wacu twizeye ko uzakorwa neza bityo ukazakomeza kongererwa inkunga mu myaka izakurikiraho.